回顧2018年，人生許多Checkpoint也達到了。但仍有一些年初訂立的目標永远做唔到，每年也不斷在loop——例如財務自由呀、減重呀、少啲甩轆呀、進修呀、讀多幾本書等等。
最近去醫療中心定期體檢，無意中聽到身旁中年夫婦的對話。當時老公從醫生房間走出，默默坐到老婆身邊。
「咩事啊？嚴唔嚴重？」老婆問。
「嚴重啊～應該係胃癌。」老公語調輕鬆，好似講笑咁。作為旁人，我聽後驚訝不已。
「咁我哋仲去唔去旅行？去冰島。」老婆竟然第一句係問呢樣？！
「梗係去啦！死之前去啊嘛！」老公繼續嬉皮笑臉。
之後佢地斷斷續續傾咗一啲旅行嘅安排，完全無再提及個病。
對話是輕鬆的，但心情絕對是沈重的，至少我聽完有這種感覺。
有感「健康」同「身邊人」最重要，每年訂立什麼目標也比不上這兩項。
當大部份人趕住去count down，我9點幾收工仲見到隔離Finance部門趕緊year end closing，就知道人越大，工作越忙碌，今晚能夠與親朋好友食餐飯已經係一件奢侈而幸福的事。
2018，有幸與大家認識。
2019，祝大家健康最重要！
HAPPY NEW YEAR!!!
Search